*معرض المواهب بجامعه المللك عبد العزيز |~

  hi

السلام عليكم  

صور للمعرض الي اشتركنا فيه بجامعه الملك عبد العزيز للبنات بجده ..

هذا معرض يسمح بعرض المواهب البنات والشباب بعد ، الي يدرسون في هالجامعه ..   للرسم او الاعمال اليدويه او التصوير او الخ .. اي شئ تبين تسوينه سويه .. لاكن من شروط القبول في المعرض / ان تكون فكرتك جديده غير متكرره و  شغلك نظيف ومرتب والسعر الي تحطينه لاعمالك يكون معقول لكل عمل  و اشياء ثانيه بعد مدري وش هي خخـ

وبعدين يجون الناس من الجامعه او برا الحامعه صغار كبار رجال حريم ويشترون اعمالك < وناسه صح !!

طبعا انا وأختي اشتركنا فيه مع بنت خالي الي تدرس بهالجامعه، للأسف اللوحات الي سويناها انا واختي راح تنسب لي بنت خالي لآنه ممنوع انه احد يشترك من برا الجامعه .. 

الزبده المعرض حضرته انا واختي اول يوم فقط لاننا في مكه وهو بجده وفي وقت دراسه محد فاضي  لنا, كان يوم التقيم ومايكون فيه خلق .. بس المقيمات و بنات الجامعه المشتركين والـ vip وطبعا اولهم الاميره صيته  بنت الملك عبودي .. < لان هي المسؤوله ع المعرض ومثل مايقولون بالتلفزيون "برعايتها "  يعني..

صراحه كان اليوم وناااااسه واعمال البنات تهبل .. اشتريت من عند بعض الاركان .. مداليات واساور وخرابيط ثانيه

ايه احلى شئ يوم جات الاميره صيته .. البديقاردات اشكالهم وناسه .. ياكثرهم كثراه  .. عجبتني الحركه ,, ودي بي بديقاردات< انفلقي بس 

مع انها اميره الا عااديه جدا من من ناحيه الخلقه < هذا مالنا شغل فيه

لا من ناحيه اللبس .. مره لبسها عادي وباين عليها مره متواااضعه < عجبتني صراحه

الاهم يوم وصلت ركنا .. احم احم عجبها شغلنا واشترت لوحه من اللوحات بـ 2500 ريال .. 

اسدح الصور احسن من الهذره  ..

 p.s / أضغط ع الصوره زغطتين علشان تشوفها بحجمها الاصلي   خخخـ !

الركن ( المحل ) ..

اسم المحل ALOSE مكتوب في لوحه المحل..

اللوحه الي اشترتها الاميره صيته هي البنت الصينيه المرسومه في اللوحه الدائريه .. اللوحه مزوده بي لمبات .. مثل حال بعض اللوحات !

الرسمه رسمت اختي التلوين والاخراج بنت خالي,,

طبعا انا انعرض لي لوحه وحده واهم لوحه بالنسبه لي هي Tiger ,, مالها صوره واضحه لكن يمديكم تلاحظونها ع اليسار  !!

طبعا الركن مشاركه معنا صديقت بنت خالي .. رسمها Digital  artمره مبدعه ماشاء الله عليها.. وهذا الي ودي اتعلمه ..

اصلن راح تلاحظون ان ركننا نوعين من الرسم الي ع اليمين شغلنا انا اختي وبنت خالي وهو رسم عادي بالالوان الزيتيه وبعض الخامات ، والي ع اليسار صديقت بنت خالي دجتل ارت ..

 هذي اللوحه طبعا ابد ابد مو جايه مع استايل الركن حقنا بس عرضناها علشان خاطر وحده من قريباتنا زوجها هو راسمها وماشاء الله رسمه حلو ..

لكن مو النوع الي يعجبني !

  الـ Digital art

 عفشنا  

'طبعا الرض للأسف الشنيع ماتكمل بسبب امطار جده اجلوه

وبسبب بعض المشكل لوحاتنا ماانباعت

الـ Tiger ما انباع لاني كنت حاطته بـ 5000 ريال <  والله لو بيكاسو 

ع اساس اول يوم وعلشان الاميره رفعنا الاسعار  فهمتوا !!

المهم كان في بنت كانت مستعده تشتريه بـ 1500 ريال .. بس مدري وين طست  ..

المهم مع اننا مااستفدنا شئ من المعرض انا واختي ماديا اقصد

الا اننا استفدنا اشياء كثيره غيرها

وانشاء الله راح نشارك في معارض ثانيه لكن يوم تعلم اكثر في هالمحال 

وطبعا الاشتراك راح يكون باسمنا مو باسم احد غيرنا  ..!

 تمت / 27 / 5

1432

I see him now ㋡

المسلسل الي أتآبعه الحين هو | HEROES

أتعب وانا اقول دمــــِـِـِـِآآر ..,

كان محمل بالـ Note book من زمآآآن بس ولآ عمري فكرت اشوفه ، لانه مو من النوع الي ماحبه .."الاكشن والالخيال والقدرات الخارقه وفلسفه مالها اخر خخخـ.."

علشان تسذا ماتشجعت له ,,

ويوم من الايام الممله كنت طفشانه وقلت يلا نشيك بس عليه ونقيم ..

وصرآحه ماتوقعته تسذا حتى اني وصلت سيزون 3 وباقي لي 4 واخلص.. يعني للي مثلي مايفضلون هالنوعيه من المسلسلات والافلام انصحهم يطالعون هالمسلسل لانه خباااااال وبغير رايكم صدقوني  ..

,,

بوستر المسلسل    

 طبعا مثل ماقلت لكم هو عن اشخاص عندهم قدرات خآآآرقه

ويحاولون ينقذون العالم قالك .. من الدمار 

الزبده الي ألف القصه الي يبي يوصل له ان مو مهم يكون عندك قدره خارقه ومميزه علشان تكون ذا شأن او يكون لك وجود

انت يمديك تثبت وجودك وتميزك بشخصيتك ونفسك دون كلف يعني انت ببساطه مميز لانك انت !!

هذا اولا ثانيا لآتقول ليه صار كذا وكذا وتندم ع الي فات ولآ تقول لو كآآن .. كان سويت وفعلت

لآ.. انت لازم تتقبل قدرك والي يصير معك لاتحاول تغير شئ لآنك ماراح تقدر تغير كل شئ في كل مره !!

طبعا مو المؤلف الي قال كذا ، بس انا اعتقد هذا مقصده والفائده المستفاده  من هالمسلسل ..

كأني تفلسفت كثير < برا 

,,

احب اعلق ع ادميين يعجبوني بالمسلسل.. 

اسمه نوآ

خطييــــــر أخطر وآحد مع انه ماعنده  قوه خارقه

 الا اني احسه اقوى شئ !!

أبد ع  كثر الي يصير له مايموت "حيه من تحت تبن " 

احس بدونه كلهم يضيعووون ..الي بو قدرات ولي بدون خطير 

اسمه هيرو ناكامورا 

ياباني اطلق شئ ..

أكثر واحد وعنده سعة صدر حبوووووب وملح

اكوت ياباني ..

 بس !! ياشينه لآ سوى فيها جدي يصير سااااااااامج  

المهم مازال حبوب

 تمت. 25 /5

1432

My Digital Art ஃ ||

welcome 

 First art..

البرنامج : phtoshop

الشخصيه المرسومه : المغنيه Park Sandara من 2ne1

رسمت بواسطه : فاره اللاب < الي بأصبآعك يعني 

مده  الرسم :3 ساعات

p.s / الشعر ركبته مو كله انا راسمته

توضيح : المضلضل بالوردي انا ما رسمته ركبته 

 art 2...

البرنامج : phtoshop

الشخصيه المرسومه :المغني الشهير G-dragon من big bang

رسمت بواسطه : فاره اللاب  

مده  الرسم :5 ساعات

p.s / طبعا الرسمه هذي ثاني محاوله لي في الرسم  phtoshop والصوره بعد مره  صعبه لان تفاصيلها دقيقه

الزبده تعبت فيها  ، حاولت اسوي الشعر بس ماقدرت الا ع القصه لاني زهقت واصباعي تشنجت

فركبت الباقي ع السريع علشان تتخيلون النتيجه النهائيه ! 

 p.s / هذا الرسم اسمه  Digital Art الي ودي اتعلمه اكثر

طبعا يبيله جهاز خاص لي هالرسم وهو قلم ضوئي يساعدك في الرسم يعني كانكم ترسمون في وق

 وبرنامج معين من phtoshop  غير الي عندي

يسهل الدمج بسهوله  !

طبعا ولا شئ من هالاشياء عندي .. بس انشاء الله اشتريها قريب .. المطلوب يعني : لحد يعتب  

 1432

♡ My cat.. was my cat

 ௰ Boko

Boko  بستي اسمها 

  .. كآنت بستي ..

من أنآ صغيره كنت احب البسس ونفسي اربي وحده

 Boko واخيرا قدرت اقنع ابوي واشترى لي
لما صار عمري   17 

 

بس للأسف ظلت شهر بس ، بعدين تركناها عند البيطري !!

لأسباب كثيره..

أولها كان وقت تزاوجها وسببت لنا صدآع

 "> <

ثآنياً .. بيتنا مافيه حوش !

ثآلثاً امي معها حساسيه منها 

رابعاً عباياتنا كلها شعرها وابد مايروح 

المهم تركناها .. آآه بس بكيت لين آمنتْ  ☹,,

أشتقت لها كثيــــــــــــــــــــــــــير ♡♡

حالياً .. ابي اجيب بسه مره ثانيه ..

آلله يعيني يبيلي اقنع ابوي من جديد !

يمكن بعد 17 سنه ثانيه يسمح لي خخخخ

,,